സാലിഹ് പുതുപൊന്നാനി
ആദ്യ മൂന്നു ഖലീഫമാരുടെ ഖിലാഫത്ത് നിഷേധിക്കുകയും അവരെയും അവരെ പിന്തുണച്ച സ്വഹാബികളെയും പഴിക്കുകയും ചെയ്യുന്ന ശിയാ ആത്മീയ- രാഷ്ട്രീയ വഴികേടിനുള്ള പ്രധാന രേഖയായി അവര് എഴുന്നള്ളിക്കുന്നതാണ് , പരിശുദ്ധ പ്രവാചകര് സ്വല്ലല്ലാഹു അലൈഹി വസല്ലം ഹജ്ജത്തുല് വദാഉ കഴിഞ്ഞു മദീനയിലേക്ക് തിരിച്ചു പോകുമ്പോള്, ദുല്ഹജ്ജ് പതിനെട്ടിന്, മക്ക- മദീന വഴിയിലെ ഗദീര് ഖുമ്മില് നടത്തിയ പ്രഭാഷണം. ശിഈകള്- ശിഈകള് മാത്രം – ഇന്നും ദുല്ഹജ്ജ് 18 നു ഗദീര് ആഘോഷം സമുചിതമായി സംഘടിപ്പിക്കാറുണ്ട്. ശിഈ ആദര്ശ പ്രചാരണമാണ് അവരുടെ മുഖ്യ ലക്ഷ്യം. ഇറാഖില് ബുവൈഹി സുല്ത്വാന് മുഇസ്സുദ്ദൌലയും ഈജിപ്തില് ഫാത്വിമീ സുല്ത്വാന് അല്മുഇസ്സുമാണത്രേ ഈ ആഘോഷം തുടങ്ങി വെച്ചത്.
